- 故事有問題既. 莎樂哩隻蜘蛛識得織個有英文字既網網, 但d人類就覺得隻豬好神奇羅??... 下點都係隻蜘蛛神奇下話, 就算大家都真係覺得隻豬係神奇過隻識英文既蜘蛛, 成個故仔蜘蛛都係用織英文字 (前後織左四次) 哩條橋黎救豬豬就好夾硬呢~ 第一次織左英文字網就全城d人都走黎, 上晒報紙, 咁好正常既, 好啦到第二次又有個英文字網, 又好多人黎睇又上晒報紙, 都OK正常既, 之後仲有第三次... 第四次... 第四次仲夾硬, 豬豬本身輸左個賣物會既唔知咩咩比賽 (鬥靚仔掛 :P), 但因為第四次織英文字網, ar評判就改變主意羅... 下?... 係改, 都張個獎改成畀隻蜘蛛啦...
- 故事另一個小問題呢, 就係點解要細路女同個男仔係賣物會拍拖呢?? 又影佢地手撘手, 又影細路女媽媽緊張, 豬豬羅返個獎後, 又影住細路女同個男仔雙雙跑去玩機動遊戲, 我本來仲以為想講豬豬開始得唔到細路女既竉愛, 但又唔係個喎, 賣物會之後又無提拍拖啦, 咁提賣物會當日拍拖做乜呢???
- 個細路女既粵語配音奇差... d羊羊呀, 蜘蛛呀, 爸媽都好好架, 就係個細路女配得奇差... 點形容呢... d感情好假掛~ 總之我一聽到細路女講野, 我就入唔到戲, 好似畀人由套戲到趕返出黎咁, 唉... 好彩只係佢有問題姐~ d羊羊配得好好架~ 好攪笑~ 哈哈哈~~~~~
雖然係咁, 不過我都覺得好睇, 因為隻豬豬真係好好睇~ 哈哈哈~~ 仲有其他動物都好好睇架, 最後豬豬帶蜘蛛蛋返屋企都好好睇~ 隻老鼠都一樣好好睇~ 哈哈~
No comments:
Post a Comment