做Power Point也

哎也做左兩日左右啦,做得好慢潻,hehe因為我想畫多d圖畫係個power point到也。嘩好危擒日plot左幅圖睇fractal-box dimension, 應該要係1.5架嘩, 嘩點知measure出黎係-0.5既??? 唔係化哩個錯的話, 前面差唔多全部results都錯晒架啦, 好彩今日check返, 原來只係我個measurement problem寫錯左 :P hehehe

哎也我仲未沖涼

死啦都夜麻麻啦, 仲未沖涼涼...

好鐘意大自然

頭先係到睇電視, 影到有一個鐘頭係影住個天, 有d雲有個太陽咁, 好靚呀~ 見到呢就好想去好多地方, 去影底唔同既大自然景色, 不過去到見到又點呢? 影完又點呢? mmmm我要baby陪我呀~ 陪我一齊親眼咁睇, 又一齊影, 又要睇我影既相架~~ 哈哈影底每一張相, 又寫底同張相相關既野, 之後同baby一齊睇返時, 一定好開心架~ 哈哈~~ ^3^

今日好開心^^

哈哈今日我8pm先起身 :P 哈哈去左葵芳同baby食大快活, 本身都只係去食野之嘛, 不過可能係星期六掛, 今完大快活唔想咁快走住, 想同baby再行下見下, hehee之後就買左M記朱古力奶昔, 又去左同baby打機, 玩車車, 打dot dot, 一向我都唔係咁鐘意玩dot dot架, 因為太靜掛, 不過今日好想同baby玩喎, 哈哈我記得baby鐘意玩dot dot架~ 哎也鬼整d相咁咸濕既~ 哈哈~ 之後我又唔想走, 所以同baby去又食野~ :P 食滿記也哈哈~ 我好開心喎, 雖然只不過係幾個鐘, 不過好得意也, 好似同baby旅行緊咁樣, 哈哈~ ^3^

死啦我又懶啦

寫完份draft之後, 我仲要整個power point, 係4月20號星期五個seminar到present, 仲要寫份journal paper, 但係.... 唉... 唔想做野潻~ 好想懶~ :P 哈哈~ 其實份draft王文旭都搵到幾個問題, 要落手改架, 不過就好懶~~.. hehe

唔得啦要努力返呀!!!

我搵到11個樣也~ ^^

下面幅圖到要搵11個faces也, hehe不過可能唔同人會搵到唔一樣既11個樣~ Hehe.

下面既圖到我圈起左我搵到既11個樣也

哈哈食早餐也~~

嘩隻狠狠訓左啦哈哈~

嘩真係變喎個Google Page哈哈

隻熒火蟲唔發光啦哈哈收工啦~~~

我個Google page好靚呀~ ^^

嘩哈哈~ 個seting到仲話會跟住時間而轉潻也~ 哈哈~ 聽日睇下係咪先~~

攪掂左Proofread啦哈哈

嘩真係好輕鬆呀, 擒日寫好左份paper就print左出黎改, 今日睇晒之後就係返個電腦裏面改, 家下改好晒啦呵呵呵~~ 頭先print左兩份draft出黎, 諗住畀豬陳同KT Ko, 不過豬陳唔係到哦, mmm唔緊要啦聽日一早上去佢就實係到啦。

哈哈頭先仲去左canteen食tea, 正~~!! 芒果布丁, 星星薯寶, 紅腸丁麵, 熱熱奶茶 (4個字嘛!) 哈哈好味呀~~~ 正~~~ ^^

好輕鬆呀~~

哈哈今日終於真真正正寫好左一份完整既draft啦~~ 哈哈雖然只係draft, 不過感覺似毛似樣咁架~ 又有圖啦, 又有equations啦, 又有字啦哈哈~~ 頭先差唔多走之前print份draft出黎改, 不過print得好慢喎, 哈哈咁我就玩game羅~ Hehehhehee Golf也~~ Hehehehe

其實今次算係第二次寫好一份完整既draft也, 上一次係通宵咁趕SIGCOMM嘛, 不過果份寫得好差, 亂寫咁濟, 趕嘛, 果次得5,6日寫, 而家taget 5月頭果個conference, 仲有時間, 可以認認真真咁寫好佢, 所以真係出到一份draft, 都幾有滿足感架Hehhehehee

我要同baby一齊呀!!

因為

1. 我可以隨心隨意做返自己, 我醜兇既一面, 我善良既一面, 我都唔需要夾硬收埋or夾硬表現出黎
2. baby唔會太現實, 同我心目中d卡通人物女主角好都OK似也呵呵~ 每個人都應該留有一片童畫既空間, 去畀大自然感動, 去為大自然感動
3. 會因為我笑~ 我最開心就係令baby笑, 佢又真係會笑喎, 哈哈~~~ 我成日好多d痴線笑話, 都唔會四圍同人講架, 因為太低能, 唔敢講, 哈哈不過baby聽左, 會笑得仲勁過我架哈哈哈~~ XDDD
4. 乖乖羅, 唔會食煙飲酒講粗口, 唔會落D落pub出夜街 (同我出就唔同!!), 又會聽媽媽話, 咁唔聽我話都唔怕啦~ :P
5. 可愛, eeeee baby性格都幾可愛架, 唔發皮氣果時!! hehehehehee ^3^ ^3^ ^3^

啦講左啦, 唔好話我淨係識得諗PhD呀! ^3^

我要羅PhD!!

因為

1. 我想做真真正正既R&D, 好似at&t lab做緊既果d, 好想呀~~
2. 我鐘意serious design, serious到要學好math先convince到人去用我既design既serious design, 例如Internet congestion control algorithm
3. 我鐘意寫paper :P mmm 唔係話真係勁鐘意作文, 不過由idea到寫出黎哩整個過程, 我覺得好有挑戰性, 最開心就係諗到idea, 再開心就係開始做落去見到個idea真係work, 不過之後寫paper, 感覺有d似做家務 :P 過程都幾痛苦, 不過一旦寫得好, 就好似見到屋企乾乾淨淨咁, 好滿足~
4. 我鐘意去conference present野, 呵呵有資助咁去旅行喎!! 不過最緊要既, 係可以係好多專家面前present自己既野, 可以挑戰自己既膽量, 最可怕, 就當然係響ar A面前present d由A既research results之上做上去既野啦!

最希望最希望, 就係可以投身入到industrial research界, 做一個要同客, 同eng., 同同事, 等等打交道既R&D人, 呵!

努力呀~

好野成好左一大半份paper啦

哈哈個main body寫好晒啦, 仲要寫個discussion啦, 一個conclusion啦, 同埋再寫埋已經寫左一半既intro, 好野~~ 好開心也哈哈~~ 努力~~!!!

我寫果個intro好唔掂也

王文旭睇完後都話我寫得好亂, 今日羅上去同老細discuss, 佢都話好亂, 話我好似講野咁, 諗到果句就寫果句, KT KO就覺得我寫左好多個人comment落去, 同王文旭complain既一樣: 無quote reference, m... 我係要慢慢試下不同既writing organization, 試到一個我自己又鐘意, 人地又睇得滿意既organization.

Intro好似下面咁樣organize得唔得呢?

1. Point form咁list低長詳黎講, topology modeling有咩困難
2. 簡單提下而家有咩model, 佢地點樣去解決or suffer緊以上既困難, 詳細既就refer to Section 乜乜
3. 提出我點樣解決以前既困難: 搵empirical evidences support optimization driven modeling approach

咁OK唔OK呢? 聽日返學校改下先~ 哈哈而家無拿拿搵到個5月頭deadline既conference, 有時間去試寫也~ hehe

今日用左老細d時間改我份intro潻

老細都算唔話得, 今日晚夜佢有堂上, 都花時間幫我改我果份寫得好衰既intro, 仲上去搵去discuss, 阻住佢準備上堂教書d野, 唉真係好sorry...

比心機做好自己d野吧啦, 做d成績出黎~ he~

都好... 畀我搵到d conference

http://www.ieeelcn.org/
http://www.ieee-nca.org/
http://www.plevin.com.au/ICON2007/index.htm

NCA果個都趕唔切架啦, 15號交...
LCN 4月2 dead, 有機呀!! 6月25有result, 咁樣真係accept左都趕得切畢業
ICON 5月11 dead潻, 正!! 不過就7月16先有result, 好似遲左d, 但都仲叫係畢業前

努力呀!!!!

好好味既13號也

哈哈擒日13號同baby去食Pizza Hut, 嘩好低也食佢個新pizza餐用HSBC咭, $199炸哈哈~~
好多野食, 有個好好味既pizza啦, 三文魚卷卷, 蝦蝦杯, 雞翼拼盤, 蝦蝦湯, 仲有我同baby一人一杯雜果賓治同柚子冰, pizza上d面洞洞好好玩也hehehehe

嘩哩日13號呢我又寫好左個introduction喎, quiz paper又改好晒, 好開心呀`~ baby仲做我第一個reader, 睇晒我編introduction潻也~~ 哼叻叻啦~ ^3^ ^3^ 學校野安心左, 再同baby出街行下食野~ 好開心呀~~ ^3^ ^3^

改好晒Quiz paper啦

哈哈原來最難改既係第1題, 早兩個weeks我都改好晒啦, 哈哈淨返第2,3題, 都係不停打交叉 :P 就係有人識做都只係對下no., 唔洗一個鐘98份quiz就改好晒啦哈哈, 不過仲要登分, 晒左3個鐘左右啦~

好野~~ Conference paper啦~~!!~ 終於排隊排到佢啦哈哈~~

睇返d posts好開心

哈哈寫blog blog幾好也, 雖然得我同baby兩個人睇, or... baby哩排忙, 可能得我自己睇 :P 哈哈不過自己由現在碌返上以前咁睇, 好得意也, 淨係望左下d title咁炸, 不過好得意, 如果我早d寫blog咪好羅~ hehehehe~

baby要好似我咁碌返上去咁睇返之前d野架~ ^3^ ^3^

其實除左baby之外, 我都唔知係肯叫其他人黎睇 :P hehe~~ 例如 "baby" <-- 哩個字 hehehehe

幾時BBQ好呢

baby今日問話幾時我同baby兩個人去BBQ也, 哈哈好也~~ 去吸收下綠色環境既清新空氣, mmmm大尾篤也~ 好也好也~ ^3^ ^3^ 唔知幾時也, 等我出到paper先?? 嘩.. 唔知等幾時~ :P hehe我諗at least我寫好左一份OK既conference paper先掛, 寫好姐唔一定要佢accept左, 咁應該快d啦~ hehehe

今日終於出下街啦

今日baby黎左也~ hehe我都知baby辛苦架啦, 我又終於寫到個program, 到左7點幾, 寫conference paper又寫唔得幾多, 星期一又要早返, 唔可以太遲返屋企, 即係要早d走啦, 咁算啦走啦~ ^3^ 同baby出去行下街~ 哈哈係我提出話要行街架~ ^3^ ^3^

同baby行左旺角, 哈哈都好也行下散下心, 雖然我個腦都依然係好多Internet :P 哈哈係咁同baby講, 哈哈攪到baby都好似個腦無時停咁, 不過對我黎講行街的確係輕鬆d, 起碼無前幾日個人咁, 咁拉得緊~ 哈哈同baby去左無印到買左柚子軟糖, 好好好好味呀~ ^3^ ^3^

聽日希望可以一日就改晒quiz paper啦, 然後就要高速寫paper, mmm諗唔到既野就唔寫啦, 唔好夾硬黎, only做個reporter report下d data就算啦~ 再諗黎諗去, 一定寫唔切, conference paper主旨: 我plot左好多圖!! :P 哈哈~~

MIT個OCW好多野學也

嘩~~~
http://ocw.mit.edu/OcwWeb/index.htm

哈哈我又想學晒佢啦, 尤其係math裏面果d也, 好多我都好想學也~ 包括analysis, hehe, 不過我覺得睇書好似全面d :P 不過佢個web有assignments同exam paper, 有埋solutions, 可以自己test自己也~ 正~!!

原來有左幾年架啦 :P 我今日先知~ hehe

終於寫好個program啦

哈哈結果一個用兩日就寫好既algorithm我total用左一個月去寫!! 因為之前係到寫個impossible既algorithm羅 :P 哈哈太好啦~ 之前不停用既果4個test cases, 之前一直都唔可以pass晒4個, 而家pass到晒啦呵呵~~

嘩...! 終於可以開始改quiz paper同寫conference paper, 但係... quiz paper要下個星期三前改好, conference paper就18號係deadline, 仲要預時間比老細過目, 嘩....

又開始改program

今日4點幾pm先返到去, 都好yok到手改到下program, 雖然未check results, 不過一個鐘多d都改左幾多野喎~ hehe~ 今次個algorithm易寫好多好多~~~

春茗好多好野食呀~ ^^

頭先o岩o岩去完EE春茗, 係尖沙咀YMCA, 食西式自助餐, 好多野食也, 開始時室內果d熟食無人羅, 所以就出去室外到食d冷盤呀, 壽司, 水果, 蛋糕, tiramisu, 又飲下湯, 食到飽晒後先知道, 原來室內果d熟食一早就可以羅, 只係無人羅就無人敢去羅姐, 哎也好正呀, 都好食左d牛扒, 魚柳, 羊架, 炒飯, 哈哈~ 我又唔記得左, 要食得款多量少潻~ 不過都食到唔少款也hehehehe

d節目就OK啦, 有d位OK無聊, ar sir係到台上同老婆大講愛情小說, 哎也... 反而睇少朋友玩係最好睇喎~ 哈哈~~

抽獎先激死也, 我No.126, 抽過124架eee, 嘩d獎品非常正, HKD100, HKD200, HKD500, 然後仲有d百佳卷200, 三聯書卷, YMCA卷, HKD500外第二最正既唔係HKD200, 係豐澤$500現金卷呀~~~!! 呀!! 我一個都抽唔到也eeee

又係city通宵啦

哩次應該係第二次哦, 上次只有自己一個, 今次就有王文旭, 佢請我食朱古力也~ hehe~~~~

通左一晚宵, 個program攪掂, 玩完!!!

掂! 48小時連續寫, 到左今朝發覺改黎改去後既program又計錯flow既usage, 望多兩望我本簿畫既公仔, 再加多幾條線, 掂!!! 個program係無可能計到flow usage的, 跟本一直係realize緊個錯既algorithm, 掂!! 收工!!!

哈~~ 其實真係開心的, 嘩... 哩個月不停地無止景咁去改program, day N改好program後, check個test-case就發現出事, 晚夜食飯訓覺就諗到"呀~~ 咁咪改到羅"咁, 自以為醒, 滿心期望day N+1可以攪掂, 然後day N+1改好program後, check個test-case就發現出事, ... , 周而復始, 連續30多天, 每日夜晚同下晝既心情反覆顛倒, 畀個program玩到心力(手腕力!! 要打keyboard)交碎, 今日終於一了百了, prove到我個program無可能計到flow usage, N+m有upper bound, 唔洗無肯景咁一直落去啦~~

不過flow usage唔係唔計喎, 原來起初我諗哩個program應該得既時候, 我係諗左哩一個algorithm, 今日就半大改個program, 去realize哩個新algorithm也, 哈哈我而家又係滿心期望聽日有成功呀~ 哈哈~~ 希望唔會又再心理上"loop死"啦!!

點解我緊張趕工時總係要受多一隻壓力

我已經無時間架啦, 18號要交到conference paper, 咁起麻5日前要出到darft畀老細睇, quiz paper又未改晒, 手頭個program又不停計錯數, 我日日趕時間朝9半晚10, 就係要趕, 點解次次我時間緊張時, 妳硬係要埋怨我無時間陪妳返屋企, 無時間陪妳出街~ 唔係我有時間但唔畀妳, 係我無時間, 我4,5日改個新既algorithm出黎, 錯! 又4,5日改, 再錯! 又4,5日又4,5日又4,5日又4,5日都係錯, 我真係想痴線架啦, 畢業半年都無, paper一份都未出, 我仲點畀時間妳. 我今日陪唔到妳返屋企, 我已經早左同妳講, 點解妳硬係要畀面色我睇妳先安樂, 妳變態的嗎? 妳鐘意係我畀時間迫既時候再加多幾錢肉緊去迫我? 妳鐘意睇住我埋頭苦腦日日怕住趕唔切既時候再迫我出去尖沙咀同妳行街? 妳變態的嗎?

我一返返房途鞋, 轉返個櫃, 但轉到個櫃撞黎撞去, Marius就話「Wa~ Wilson you are so nervous」, 珊珊見我返轉頭就問我「你又崖夜呀?」我話係也, 王文旭就講「成日崖夜身體唔好呀」珊珊話「唔怕, 哩到有張床, 你想訓就打開張床訓吧」, 我即時眼都紅埋, 感動~~ 妳? 9:10pm左右同妳講我唔送妳返屋企, 妳即時只係諗自己, 一口怨氣「下? 又唔送我返屋企...」9:10pm ~ 9:30pm哩廿分鐘, 妳對我支持過咩? 無! 妳對我做過咩? 一臉面色, 埋怨, 我已經肯花時間陪妳出去地鐵站, 妳仲要係地鐵站唔唔出聲唔走, 妳想晒我幾多時間?? 我出去jum水哦尿全部都係急住行, 一分一秒我都唔敢晒, 點知妳就游然自得地張我一分一秒刻意咁浪費, 點解??!! 妳唔知我趕嗎?? 妳真係以為我唔趕住MTR尾班車?? 妳真係覺得我時間多的是?? 妳點解當我無時間既時候, 就偏偏要迫我羅時間出黎, 然後再悠悠閒閒咁張我所餘無幾既時間完全透支?? 點解妳要咁變態??

妳無night visit嗎? 妳上堂未試過遲走嗎? 妳真係覺得時間係自己鐘意放去邊就去邊嗎? 妳無時間時我跟本無動機去再透支妳, 妳遲走時我都會趕手趕腳收拾自己野出黎接妳, 因為妳要趕返去沖涼食飯訓覺, 第二朝起身返工返學, 我咁對妳, 妳點對我?

唔好以為女朋友就大晒, 唔係下下都要張妳放係任可事情之上的, 我完全無所謂將妳放係朋友之上, 但妳要我係哩d緊張時間張妳高高放係天上, 唔可能!! 我既夢想唔只妳一個, 妳要係想佔領我整個夢想空間, 我自然會越係反抗黎保護我另一個夢想: 我要做到我鐘意做既事業, 妳係唔能夠同我哩一個夢想共存, 係要不停係哩個夢想超越妳既時候向我施壓, 就等於向我宣戰, 以前同ar Kay做個轉轉只為興趣, 我可以算數, 放棄; 但哩個係夢想, 我唔會任佢畀人亂咁踐踏.

妳好想我食妳軟飯嗎? 妳諗野諗遠d好無!!

今日baby病呀

baby頭先返到學校時, 係電話到都同我講, 佢唔舒服呀, 之後上上下堂就打畀我, 叫我黎接佢走呀~~ 哈哈好似baby班唔豬服要叫kit kit黎接咁也~ 哈哈~ 同班主任講架要~~ ^3^

我出紅磡之前係奇華到玩個左我同baby都好鐘意食既光酥餅, baby一齊係夜麻麻咩都未食, 所以咁易唔舒服啦, 不過因為我都好鐘意食, 到我同baby坐係poly到羅住比baby食時, 我又忍唔住係咁食~ 哈哈哈~~~~

送左baby返屋企, baby就可以訓下啦~ ^3^ 而家baby訓左係張床到哦, eeeee未沖涼啦eeeeee hehe

唉個program計錯數, 越諗越唔開心潻

唔夠時間啦~ 下個week就要改完晒d quiz paper, 而家個program又計錯數, 18號conference paper又deadline, 但起麻要留返3,5日畀老細同KO sir改~~ 點算好...

太好啦哈哈C API -> mysqlclient大成功!!

YEAH!!! 攪掂左啦~ 原來要add返個C:\Program Files\MySQL\MySQL Server 5.0\lib\opt\mysqllib.dll入個linker既additional dependencies到架~ 哈哈好開心呵呵~~~

好感動潻哈哈~ 由開始1月頭咩MySQL都唔識, 果時淨係知道自己d program generate 3XX MB (at least!!)既ASCII file黎store resulting data好唔方便, 開又開唔到個file, search又search唔到, 連計number of records都計唔到!! 更唔好講話import入MATLAB plot圖... 自己唯有寫C program, 要average就寫個計average既program, 要data aggregate就自己一個一個record咁sum, 呀!! 特然發覺aggregate出黎既data漏左edge-ID.... 又改program, 寫都唔緊要既, 但一run就一兩個鐘, 無辦法, 要張兩個file既data, 每個file大約1XX MB, 一個一個咁match, 唉...

果時都知database一定solve到以上一切問題, 但我淨係識得玩MS Access graphically!! 如果要學Access program, 我原全唔知點算.

好彩自己聽過MySQL哩樣野姐~ 諗住一開始就睇MySQL online果d documents啦, 嘩好悶呀!!! 去Amazon搵書, City Lib又有喎, 仲要係electronic版!! 正呀!! 係屋企晚麻麻12~1am開始睇也睇也~~ 結果攪到哩個月晚晚慣左夜訓, 有時唔係學MySQL都唔想早訓!! 哈哈

太好啦~ 今日終於有成果啦~~~~ 哈哈~~ 雖然只係run書裏面既example, 但我的確compile到個program, 即係話, 我自己好快就可以係我個program到, 寫晒d result入MySQL server啦!! 哈哈, ASCII text file~~ byebye啦哈哈~~~

Database自己又有index, 專門用黎做高速searching, 又可以寫幾句簡單既SQL commands就開幾個tables link埋一齊咁出個results, 雖然我都唔知MySQL process我d data可以快幾多, 不過我可以做searching, sorting, check errors等等, 仲可以用個好似excel咁既query browser黎graphically睇data, 太好啦!!!!!!

學有所成, 好感動!! 哈哈~~~

日日都好夜訓呀

而家又1點幾啦~ 哎也連續幾個weeks都係3~4am先訓, 唉也~~~ 今日要早d訓啦~~

Baby急尿急到發皮四也

哈哈哈~~ 去個廁所門口鬧人呀~~~~ 哈哈~~~ 「裏面既人聽住!! 妳已經被包圍!! 快d同我出黎呀!!!!!」

Flow usage計錯左潻

哎也寫緊果個program計錯數啦~ flow usage計唔o岩~ 例如計input flow時, 唔識份係node-1入既flow-A同flow-B係咪同一條flow也~ :P 唔掂呀聽日要改啦~

Yeah改好晒Quiz Paper第1題

哈哈Yeah~~ 嘩不過都唔知點解好多人都用左一個唔o岩既方法做, 攪乜呢?? 互抄都無可能咁多人係quiz果時咁大規摸互抄架喎~ 都唔知攪乜

哈哈仲有兩題炸, 哈哈好多人都唔識做~ 哈哈哈~~ 好野一個大交叉就改左一題~ 呵呵呵~~~~

不過我都唔係亂改架~ 有做d似毛似樣既, 我會睇返佢錯左係邊架~~~

hehe~ 努力改呀~

想去ICCCN2007呀

ICCCN2007 conference

老細都想我用一用學校個conference grant :P 唔好晒嘛都畢業羅~ 都好也個conference雖然唔係好似ACM SIGCOMM果d咁猛料, 不過係Nokia sponsor, 感覺非常良好~ 哈哈~~

唉... 不過錢錢既問題... 估左一估
HKD4500 airticket
HKD2000 registration
HKD5273 = HKD676*7.8 = USD169*4 4-day hotel
=================================
HKD11773 expected total expense

但個conference grant好狗架!
grant estimation
HKD4050 = HKD4500*90% airticket
HKD1800 = HKD2000*90% registration
HKD1000 maximum subsistence allowance
=================================
HKD6850 expected grant amount

嘩.... 連個grant既HKD10,000 maximum都未到~ 哈~!.. 勁狗, 分開晒d錢黎set upper bound~ 唉算啦~ 唯有同老細講, 睇下老細點睇呢~

哈哈今日又起唔到身潻

今日8pm先起身呀呵呵~ :P 擒日就6am先訓~ 嘩都訓左14個鐘~ 勁呀!!! 中間有醒過下架~ 好似4pm醒~ 哈哈仲諗住今日返學校潻~ 無啦~ :P

要改Quiz paper啦

嗚... 好浪費時間呀...

學MySQL學到C programming啦

YEAH~~ 哈哈~ 學好左MySQL C programming, 學校寫緊果d program就可以寫results入MySQL server啦yeah~~ 家下個program一出results就出個3xx MB既text file, 跟本就無辦法開到黎睇, 更唔好講input入MATLAB plot圖. 要自己又寫個C program黎做data grouping, 又要係兩個百幾 MB text files到match返data record, 好痛苦呀~~ 嘩d data入晒MySQL就爽啦!! 係咁依打下SQL command, 等, 就攪掂!! 呵呵~~ 仲可以用table browser黎search幾十萬個record~ YEAH~~~

YES!! 哈哈program進展順利

好幾個Progress bar objects一齊出現都可以呀, 哈哈好野, 有d background threads既progres bar仲可以同foreground既一齊call出黎, 唔會有deadlock~ 好野哈哈~ :P

今日走之前又check左check個program計出黎既answer. 我叫佢計一個好簡單既network, 等我自己都可以手計嘛, program出既results就未對晒, 不過有一炸最重要既edge usage就同我手計既一樣呀~ 好野~~ 哈哈~~

聽日繼續check真d~ hehehhe (寫paper~~ 寫paper~~ 寫paper~~ 我黎啦 :P 哈哈)

baby又唔開心啦

因為星期五個test準備得唔好羅, d note未睇晒 :P 哈哈~ 其實有邊次baby test之前係準備好晒既呢? ... m... 好似無bo! 哈哈IVE時日日係美孚自修室, 又係到exam時就嘈哩樣未睇果邊未睇咁, 返ENI日日放5:xx pm, 又係一見exam就嘈呀嘈呀, 家下做tech放工唔準時就更係啦, 其實係咪baby有exam/test過敏症呢? 一見exam/test個腦就會諗到好多未睇既note出黎, 嘩死啦mok想症呀!! :P

哈哈哈~~~ 努力呀baby~ ^3^

好野新果part program寫到成左形啦

計edge usage果part program, 擒日已經張move memory to file on-the-fly果part program分返開出黎, 然後變做template放便reuse. 今日計flow usage哩part又成功resue到個template呀好野~~ 哈哈, 不過call計flow usage果段program仲係舊版, 會直接read d flow usage, 唔得架~ 聽日繼續完~

好野~~ 就快可以re-new返份paper啦~ 好野~~~~ ^^

今日傾左趕唔切出paper既事哦

今日同豬陳&Kitty高(哈哈kitty!!)傾左我出唔切paper點算哦, Kitty高話要extend個MPhil好困難呢, 豬陳就覺得internal transfer就更唔洗講, 我都覺呢~ 不過好彩, Kitty高好路尼呀都話, 豬陳可以請我做到research asistance咁等paper accept, 然後就有炸拿申請入返city做Ph.D呀~

豬陳同Kitty高真係好好人, 豬陳今日下晝落左黎房到, 就同我傾左傾我既問題, 之前去豬陳office到同埋Kitty高一齊, 又傾我d野, 可以傾埋我自己personal d consideration, 好開心~ ^^