諗返轉頭都有d唔好意思，好似夾硬迫大家出黎陪我過中秋，其實係自己空虛之嘛，不過好合時宜地我哩幾日唔知係咪通左個A眼B眼，雖則依然空虛，但情況似乎唔再病態，有Nam+奶媽義氣力撐中秋出黎玩既氣氛，實在感激不盡。(今晚無捉緊機會同奶媽傾計，全程都諗住要照顧可怡，感到過意唔去哦。)
我哩夜做左d一直都幻想好想做但都唔敢去做既野 --- 哈哈就係無拿拿走埋去d陌生人到同佢地玩，今晚試左啦，原來最開心反而係計劃點樣玩以及心理準備既階段，反而真係出擊果下，可能件事原來比想象中易得多，覺得挑戰性不足，達唔到心目中果種exciting。哈哈可以同美女可怡拍住上，絕對值得記念! 當然仲有同個男不男女不女既Nam打頭炮，增加發惡夢既機率，絕對係會自動波記返起哩一夜既事。
星星煙花好好玩。^^
我地先選擇情侶檔埋手，最後係大人細路堆中選擇左兩位貌美少女 (同場客串 --- 細路一個) 作終結，每個被我地選中既陌生朋友仔女，反應都係唔知點應對。最令我開心既就係最後大叫既果位細路，「嘩~~~ 好靚呀」。係呀~~ 係好靚架~~ 哈哈~ 細路再係可怡手上接到一支可怡送出既星星煙花，「中秋節快樂」後再一路講「byebye」一路離開。mmmm其實都幾有意思架WO~
今晚既我同樣係刻意講多左野，不過今次我既多野講我自問唔似係病態既，而係因為我想製做多一d氣氛比大家同比自己。星星煙花，令我覺得過中秋應該係羅漫蒂克式。
哈哈，如果再玩過，其中一句對白我想改成咁：「如果我話妳知，哩支係我為妳特別送上既星星煙花，香港係無得買，妳相唔相信?」哈哈哈~~~~
晚夜咖啡灣確實帶有濃烈醉意。
頭先仲有一個活動未做 --- 手持燈籠漫步海邊~ 我滿腦子都係哩d無理正經既玩意~!!
No comments:
Post a Comment