學習做一個毒男

老老實實，唔可以成日痴女仔啦....!! 我越黎越性別歧視，覺得女仔都係棍騙人既動物，騙財既又唔會蠢到黎搵我，但騙時間既就一街都係。當然，都要我夠低能，騙案先可以成事。

小學既我，朋友既男女比激低，小五小六女同學生日，一張大合照廿個人男仔五個都無，應該係因為咁，我到左中學，主動埋女仔堆玩一D都唔覺尷尬。

IVE再上大學，圈子不斷行業化。男性行業，自然男女比激高，男性朋友多，但我繼續發姣，認女唔認仔。

今時今日單身啦，問題一次過浮晒上水面。身處男性行業十年八載，朋友跟本男多女少，random搵個朋友去行山去玩去睇戲，逢男既都有種「奇妙」既回應。「做咩??」「我唔想聽你訴情苦WO」「你轉性呀?」「無女WO」之如此類。

十幾歲時，我day day走去搵女仔過日仔，今日要學下同自己友相處。

不過到廿幾歲既今日，反而身邊既男仔day day諗計走去搵女仔過日仔，顯得我好似嚴重欠缺童年咁款!

要學下做毒男，反正我身邊實在有太多毒男可以form反一組support group!!

• 中學同學葉兄識左十幾年，相依為命下囉要。今日先同佢傾去電影中心睇戲，佢話我開著晒turbo走毒男路線，咁咪好囉，大家同路人!!
• 要主動d搵多d活動，我朋友唔少，但傾到計既黎黎去去得果幾個，而家時間多的是，再唔打友誼牌我就真係isolated架啦
• 儲錢!! 搵葉兄去台灣旅行，識台妹!!

公司有個幾識關心人既男同事，有時見到我都問我一句「點呀，戒左毒未呀你」^^ 本來佢問親哩句，我都好想同佢學習下點戒，但而家，算啦... 反正返埋學校後，情況只會更嚴重，無得戒架啦。

女朋友哩個職位，我未至於好清楚係要一個點樣既人，但起麻我會知道，我需要一個可以同我心連心既人，令大家都會心境甜蜜。我亦起麻知道，哩個人唔會下意識地為一已私欲而耍手段，令我每兩小時就討厭佢120分鐘。我更起麻知道，哩個人會帶有女性韻味，亦帶有男性剛強。我再起麻知道，哩個人未出現。

慢慢等吧。係我一大炸閒雜事中，首要做既係友誼救亡工程。