我關心既唔係邊到有知音圈子可以一齊去關注occupy wall street (OWS), 而係點解OWS(或者佔領中環)運動唔可能為香港帶來管治上既改變、更唔好妄想會有思想性既改變。OWS如果最後對整個社會資源分配哩個議題，完全起唔到影響力，只係淪為一種個人修養或興趣小組，就算有圈子也好，我唔覺得咁值得高興。
就講政制，先由個故仔開始。點解一個工業用廠房，可以賣比一個有錢但唔係搞工業既炒家? 到真係搞實業既廠商要搵廠房開工，巿場上既廠房早就賣斷晒比各炒家，呎價由10蚊就炒上18,19蚊，廠家如果有錢，還好! 但有廠家買，炒家就對工業用廠房哩張紙更有信心，再炒多幾轉, 到21,22蚊，新晉工業家想創業, 但無錢向炒家買廠房, 輸買得唔夠快, 就係坻死? 就係腦殘? 由10蚊廠房到21,22蚊, 工業家比多左既哩筆11,12蚊, 到低對工業界注入左咩貢獻? 無! 哩條係一條咩結構既食物鏈 ...
企業唔夠錢買廠房, 向銀行做貸款搞實業, 令巿場感覺工業界仲好似好多水wo, 好! 繼續炒賣, 廠房價繼續蒸蒸日上, 然後廠商今個月無錢還貸款, 上晒報紙, 破產了, 全部炒家都大叫被騙, 手上廠房就算13,12蚊都無炒家接手, 工業家又原來早就離開晒香港, 炒家然後就大叫負資產 ….
問題係邊? 我覺得問題在於, 點解一開始, 要比第一個炒家買? 點解有錢就買得? 點解唔係按合理唔合理去交易? 18歲以下既細路, 就算有錢買煙, 法律都唔準哩單交易, 但點解身家豐厚, 貿易就可以無障礙到一個地步, 讓資原分配過分傾則到1%(1%又太誇張)既資本家手上?
OWS運動, 佔領中環運動, 可以令特首推出操施, 去管制商家營商既手法嗎? 無可能 … 就算議員提出相關議案也好, 立法會分組點票之下, 咁既草案跟本係香港立法會哩個政治體制下, 不可能實現。
今日香港討論壟斷法, 政府都希望盡快係立法會通過議案, 而修改草案，為商界放寬壟斷監管 … 一個天真既我, 還以為立法會制度完善既我, 真係唔明點解政府，背向大多數人(99%)既公眾利益, 面向小數人(1%)既商界聲音, 咁樣修例, 反而會令政府覺得草案有望早日係立法會通過 ….
香港, 係一個寧願改補選，去封殺公投哩種意識形態，都唔會尋求政制方向, 令公投可以好似台灣咁, 係香港可以名正言順地有法治依據。
想提出反資本主意? 留返放學後既趣興小組啦 ….
除政制無法令OWS係香港成形外, 我覺得大家既心態係更令OWS沉下去的 … 「吓? 你無錢? 低你死架wo, 你去懶制度唔好呀? 輸打贏要呀? 比心機讀書啦, 入到乜U物U讀醫讀律師讀商，你就唔會咁幼稚架啦~ 」
99%人命脈被1%人操控, 係宏觀問題, 但總有好多人只關注局部情況, 局部到只睇自己, 然後就練成了一身「適者生存」既好功夫, 宏觀問題唔係自己身上出現, 就得啦!
No comments:
Post a Comment