Cascade's last day

C A S C A D E哩幾隻字終於除下啦~ 今日我地最後一刻係HR門口出面「搞事」，同哩個招牌合照，單人版創意版搞geg版全體版HR版狂吻版咩都有，仲有形象美術指導從旁教路set post，實在玩得好開心。

公司名除下，對我黎講無咩甚麼可惜既感覺，可能因為小弟仲好新既關係，不過哩句說話，令我諗好多野。

「嘩~ 乜你地對公司咁有歸屬感?!」澄清一下先，我無。

但好老實，係到識到一大班朋友，玩得埋傾得埋，將來一刻望返轉頭，相信必定好值得回味，而哩個地方，自然係我心目中會有佢既價值。所謂世途險惡，係錢途與前途既大前題下，凡事都要三思後行，小心得罪人，今日大家你我無爭，但難保他日互相會存有利益衝特，所以用真性情上場，的確自己都有反思過係咪正路，不過今日哩份開心，原來會被「誤以為係」有歸屬感，就更令我相信：以開心作為根基，係一個穩固既開始。

我自己黎講，要開心，就要真情性上場，已然係咁...... 哈哈~~ 繼續玩住去返工啦~~!!!!

2008-11-28 Cascade's last day