小學: 成績全班尾3
中學: 職業先修
中六七時段: 我就high dip.
大學: 排第5 of 8既城大
事業期: 讀緊2+3年既research
唉.... 我唉唔係唉自己入唔到主流, 係唉主流人實在太多, 另類人實在太少, 另類人係另類路上既事, 就算係值得高興既事, 都唔係咁易搵到人分享, 最易搵既or唔想搵都無拿拿出現既就係d主流人, 佢地唔會了解有咩值得高興, 有咩了不起, 反而擔心唔知我幾時可以返返黎主流哩條路上... 如果另類路上有咩唔開心唔如意, 最好就唔好亂咁畀人知, 因為到處都有既主流人知道左, 就會對另類路有更大既偏見, 唉.... 難度主流路上有起無跌, 唔通主流人個個都全自動地扶謠直上咩? 點解佢地可以咁輕易得到大眾支持同諒解? 因為主流實在太主流, 另類人務必對主流路既一切都瞭如指掌, 但反之不亦然...
我好彩有baby了解我, 開始讀research, baby同我已都一樣, 唔明research哩條另類路係點, 但而家我既事, 無論係高興定失望, 佢都會明白我既感受, 只不過... 主流人實在太多, ... 我哩d另類人, 問返主流人"做生意實賺架?" "讀B屎媽ket停實有MT做架?", 結果就會成千上萬既主流人去支持主流人; 但我畀人問 "實入到at&t架?" "讀research實有R&D / S&T工做架?", 結果就會成千上萬既主流人睇住我無言而對.... 哈.... 難怪主流人咁擔心我, 因為另類人比主流人少得太緊要, 少到個個另類人既成功都成為主流人心目中既特別例子(特別好彩例子), 但少得黎又足夠去另主流人相信主流路先係皇道BO, 哈
我從來都無享受過行係主流路上而衍生出黎既優越感, 我反而變得冷眼遠望果班沖住"主流"而黎排大長龍既天才. 個個廿幾歲就要"哩排攪緊d野做"咁, 又或者要"出"黎搵下經驗, 又"攪"又"出", 真係唔明主流人點解咁鐘意哩兩個字. 我既優越感黎自己夠膽親手為自已"簡"要行既路; 我既成就感黎自我對哩個世界認識得有幾深"入", 我鐘意"簡"同"入". 哩個世界有research labs, 就總有地方有我用武之地, 我有我企既地方, 你地哩班主流人少擔心, 你地永遠唔會知道, 亦唔會去了解, CAIDA, fractals係咩黎, at&t既projects有幾吸引, bell labs以前有幾風光, google工作係有幾享受, 上海比京有咩labs, IEEE/ACM TON係幾咁權威, SIGCOMM係幾咁高不可攀, creativity+presentation skills點樣比knowledge更重要, 好/爛paper係有幾令人尊敬/討厭, 等等等等
"閒人與主流, 不得進入"
走啦~~~ "我地"哩到唔o岩"你地"架啦~~~~~~
No comments:
Post a Comment